Sabatikoa2

HITZAURREA  SABATIKO 2. [2014- 2015) Bai, bai, halaxe da, gezurra badirudi ere pasa dira jada bost urte azkenekoa izan genuenetik. Azkar batean eta ia ia konturatu gabe. Bost urte aurrera edo atzera, bost urte gehiago edo gutxiago depende eta nola begiratzen dugun. Zein azkar pasatzen den denbora, ezta? Eta hemen gabiltza nonbait berriz ere : hemendik horra, hortik hara, handik hona munduan zehar bueltaka, auskalo non??

  Saebøn gaude , Alesund (Noruega) ondoko herri txiki txiki batean. Turistengandik ihesi etorri gara hona eta herriko kanpinean hartu dugu "mobilhome"-a.  Paraje honetan bizikletaz ibili,  mendi paseoak eman eta fiordoan piraguan ibiltzea zegoen gure asmoen artean bizpahiru egunez. Beno hori zen asmoa! Atzo mendi buelta egin ondoren  eta aukeratutako parajea kirol desberdinetarako ezin hobea zela ikusita (* ikus paisaiaren argazkia) bapatean konturan izan ez genuena EGURALDIA!!! Eta badarama 24 ordu baino gehiago ateri gabe. ( Argazkian ez da ikusten baina gogor aritu da egun osoz).  Hemengoek diotenez udara bukatu omen da Noruega aldean. Orain artekoa oso ona izan da baino  dirudienez akabo! Eskerrak atsaldean bisita izan dugun!Juliette Binoche etorri zaigu gure txabolatxora, Noruegan errodatutako bere azken filmearekin. Eta berarekin  pasa ditugu ordu pare bat. "Tusen ganger god natt" (Mila aldiz gabon). www.golem.es/milvecesbuenasnoches http://m.fil...

  Badaramagu astebete pasatxo Europa ipar aldean.  Aperitibo moduan, bidaia hasi berri eta urrutiko lurraldetara iristeko inongo presarik gabe, egun beteko/bateko eskala egin genuen Amsterdamen. Bizikleta parea alokatu eta hiria berbisitatu genuen azkar batean. J Eta nork esaten zidan behin eta berriz orientazio zentzurik ez nuela??